Concert / Pop, Electro & Trap Maale gars – iwwert mech album release (eng space show)

© D.R. © D.R.

Désolé, ce texte n’existe pas en français.

De Maale Gars invitéiert iech op eng Missioun am Weltall…

« Macht iech prett fir eng musikalesch Rees voller Gefiller, Humor an engem klengen Touch Chaos. Mat Songs aus mengem drëtten Album Iwwert Mech hu mir engem kloren Ziel virun Aen – Jupiter. Mee wéi bei all gudder Rees kënnt et… e bëssen anescht. (Kee Spoiler, just : Hutt är Sécherheetsgurter un. An de Rotondes, eng ultra-cute an intim Location, gi mir zesummen of : Mat Beats, mat Ballast, mat Geschichten iwwer Léift, Selwerfannen, Zukunft – an alles wat mech ausmécht. Komm laanscht, wann’s du prett bass. »
— Maale Gars

De Maale Gars ass op der Sich no dem wat een an der lëtzebuergescher Zeen alles erreeche kann. Säit Januar 2020 verëffentlecht den Thomas Roland reegelméisseg nei Tracks, déi iergendwou tëscht melancholesch, elektronescher Popmusek an energeeteschem Trap den Zäitgeescht treffen. Seng Live-Shows bauen Erënnerungen voll Energie an Tréinen. Nieft Festivals wéi dem E‑Lake 2022 oder dem USINA23 war de hien deen éischten lëtzebuergeschen Artist op Tour am Ausland. D’Rees geet virun an där sidd agelueden.